PERINGETAN DARI TEMPO DOELOE.
ada moerah, ia bisa simpen gadjinja satiap boelan paling sedikit f 10, sedeng Lay Hok berdjandji maoe tambah djadi f 40 djikaioe Sian Nio jang sedeng hamil soedah melahirken anak.
Tapi dalem itoeka beroentoengan ada apa-apa jang selaloe menganggoe kasenangannja dan bikin Tham Tjay dan Sian Nio merasa koeatir. Njonja Lay Hok ada berätsal dari Soekadingin dan banjak familienja jang dateng tjari padanja, sedeng ia sendiri saban taon satoe doea kalih pergi ka sana boeat tjari orang toeanja. Tham Tjay dan Sian Nio koeatir sekalih ini njonja, jang soedah dikasih taoe marika poenja resia oleh soeaminja dan perna tanja pada Sian Nio tentang iapoenja lelakon, satoe tempo nanti „botjor moeloet,” maski soedah diminta dengen senget soepaja djangan tjerita pada siapa djoega hal marika ada semboeni di Bandoeng.
Apa jang iaorang koeatirin achirnja ternjata telah terboekti. Tida kataoean betoel siapa jang boeka itoe resia, tapi pada soeatoe hari, sasoedah diam di Bandoeng satoe taon lebih sedikit, dan Sian Nio soedah hamil toedjoeh boelan, Seng Lie dengen mendadak dateng di roemah Tham Tjay jang itoe tempo lagi pergi kaloear, dan paksa pada Sian Nio boeat toeroet balik ka Soekadingin, atawa djikaloe tida menoeroet aken diminta pertoeloengan politie jang nanti kirim padanja ka sana sabagi orang tangkepan Tadinja Sian Nio maoe nekat membantah, tapi hatinja djadi lemes koetika ajahnja bilang bahoea iapoenja mama sedeng sakit keras dan kaloe ia tida lekas poelang tida bakal bisa ketemoe lagi. Begitoelah dengen tergoepoeh-goepoeh ia toeroet pada ajahnja boeat naek spoor ka Soekadingin, sasoedah tiiipken toomahnja pada tetangga di tabelah
56
