PERINGETAN DARI TEMPO DOELOE.
itoe sobat jang baek telah meninggal doenia. Satoe kalih ia perna minta itoe sobat tjari taoe halnja Sian Nio, dan dapet kabar bahoea oleh ajahnja disingkirken ka Batavia soepaja tida ada jang taoe djikaloe ia bersalin. Dari fihak politie, sasoedah doea tiga kalih mengoesoet, tida kadengeran kabar apa-apa lagi.
Tliam Tjay poenja toedjoean hidoep sekarang tida laen, hanja perbaeki kadoedoekannja jang bagoes itoe soepaja bisa koempoel banjak oewang dan komoedian menika pada Sian Nio dengen berterang, boeat mana ia moesti berempoek dengen bekas tauwkeenja soepaja tarik kombali itoe dakwa'an. Tapi berbareng dengen itoe, sabelon ini toedjoean berhatsil, ia moesti djaga agar Seng Lie atawa bekas tauwkeenja djangan dapet taoe ia ada di mana, soepaja tida sampe dibekoek oleh politie. Begitoelah perhoeboengannja dengen Sian Nio mendjadi poetoes kerna ia tida berani gegabah menoelis pada sembarang orang, soepaja tida kataoean ia sekarang ada bekerdja di Semarang.
Liwat tiga taon komoedian, koetika kadoedoekannja semingkin bagoes dan gadjinja ditambah djadi f 150, hingga Tham Tjay bisa koempoel oewang itoeng riboean, ia ambil poetoesan aken minta pertoeloengan satoe kenalan jang pinter dan boleh dipertjaja boeat pergi ka Soekadingin dengen kandoeng doea maksoed : kasatoe tjari taoe halnja Sian Nio dan familienja boeat mana ia ada bekelin satoe soerat aken itoe orang serahken di tangan Sian Nio sendiri, dan kadoea aken tjoba berempoek pada bekas tauwkeenja soepaja soeka tjaboet itoe dakwa'an oentoek mana ia sedia boeat membajar karoegian jang pantes, jaitoe f 1000.
58
