PERINGETAN DARI TEMPO DOELOE.
jang pendek dan tjoepet itoe, dan achirnja ambil poetoesan boeat tjoba pergi ka itoe tanah djadjahan Inggris sabagi koeasa dari firma Thian Gwan poenja filiaal di sana. Dan iapoenja tauwkee, jang roepanja soedah denger dari itoe sobat penganter tentang Tham Tjay poenja lelakon, goenaken ini koetika baek boeat linjapken itoe pegawe jang pande poenja kadoeka'an dengen djalanken satoe niatan jang soedah terkandoeng lama boeat ambil Tham Tjay sabagi iapoenja mantoe. Begitoelah koetika ia ampir berangkat ka Singapore, mendadak tauwkeenja memberi taoe bahoea ia poenja njonja dan anak prampoean bakal toeroet djoega dalem itoe pelajaran dengen maksoed boeat melantjong liat pemandangan, dan pesen pada Tham Tjay boeat anter dan djaga pada marika. Kasoedahannja, boeat pertama kalih dalem penghidoepannja Tham Tjay dapet kasempetan boeat bergaoelan rapet dengen satoe siotjia hartawan jang, maski paras dan tabeatnja tida ada saparo tjantik dan aloesnja seperti Sian Nio sampe tjoekoep menarik, apalagi lantaran pakean dan perhiasan mas inten jang indah dan berharga mahal membikin itoe gadis kaliatan gilang-goemilang. Koetika kapal jang marika toempangin berlaboe di Tandjongpagar, Tham Tjay soedah loepa pada Sian Nio dan pada kadoeka'annja, kerna pikirannja sedeng ketarik sanget pada Giok Eng, poetri dari iapoenja tauwkee, dan pada itoe sinar dari kaberoentoengan loear biasa boeat mendjadi mantoe dari satoe soedagar besar jang terkenal sabagi millionair.
Segala apa telah berdjalan dengen beres seperti jang ada diharepken oleh kadoea fihak. Koetika satoe boelan komoedian, sasoedah kenjang mengider di Singapore, Johore dan Penang, Giok Eng
64
