Halaman:Si Nona Merah.pdf/109

SI NONA MERAH......

107

Ban Pwee perkenalken namanja dan tjeritaken, riwajatnja dengen sedikit perobahan jang mengoentoengken fihaknja dan lantaran bebrapa penoetoerannja tjotjok sama apa jang Mina kataken, ia djadi pertjaja, tapi Ang Hwa tida djadi girang berdjoempah pada ajahnja, malahan ia brani berkata: „Papa soedah bikin banjak soesah pada mama, diharep djangan oelangken lagi itoe pada saja. Biarkenlah saja. di sini idoep sama engko Kong Liang!”

„Hm. . . . . . . anak tida taoe maloe, Tida berbeda sama. Hing Nio! Kaloe akoe bongkar semoea resia, kaoe tida aken berharga sapeser dibelah toedjoe!”

„Tida djadi apa! Saja soeka mendjadi baboenja engko Kong Liang!” menjaoet Ang Hwa dengen sembarangan.

Ban Pwee dengen sengit berkata: „Kkong Liang ada saorang kaja, kaoe ada saorang miskin, Orang kaja tida bisa idoep broentoeng sama orang miskin. Sekarang kaoe ketemoe bapamoe sendiri dan kaoe haroes menoeroet akoe.”

„Menoeroet bagimana, pa?”

„ini hari djoega kaoe ikoet akoe!”

Ang Hwa tinggal diam.

„Bagimana ?”

„Ja, baek. . . . . . . tapi toenggoe sampe engko Kong Liang poelang dari Bogor,

„Tida perloe toenggoe dia! Kaoe apa disini djadi koeli-kontrak ?”

„Boekan, tapi menoeroet ee saja moesté pamitan !”

„Pamitan sama baboe sadja!”

„Ah, masa pantes?”

„Kaloe kaoe tinggal. tetep di sini, lebih tida pantes! Apa akoe moesti goenaken paksaan boeat anterken kaoe pada: entjik. . . . . . . A Sim!”

Mendenger perkataan A Sim, Ang Hwa djadi be-