50
TJILIK-ROMAN'S
resianja botjor."
Ban Pwee ngelojor, Mina menangis sedih!
la merasa sedih jang ia sekarang haroes pikoel akibat perboeatannja jang doeloe.
la akoei toeroet berdosa, kerna boekankah ia jang seperti djeroemoesken Hing Nio ka djoerang noda?
Hing Nio jang sering ditinggal sendirian dan banjak ngelamoen, hendak diberi sedikit hiboeran dengen kenal itoe boeaja krontjong, tapi ia tida kira seperti orang kasih madat atawa morfime boeat menjemboehken penjakit, achirnja bikin si sakit djadi lebih tjilaka.
Memang djika Hing Nio oepamanja ditjinta oleh saorang djedjaka jang bertingkah-lakoe sopan, tentoe sekali djalannja oeroesan mendjadi laen. Tapi sekarang ibarat beras mendjadi boeboer.
Sekarang saben hari Mina koeatir kedatengan badjingan tengik itoe jang memeres ianja. Kaloe njonja Gwan pergi mendjoealan, Mina selaloe kontji rapet roemah itoe dan saben terdenger ketokan pintoe hatinja berdebar-debar, kerna ia menjangka tentoe itoe Ban Pwee jang hendak merong-rong hatinja. Hatinja baroe merasa lega, kaloe ternjata jang minta diboekain pintoe adalah sinshe A Lioeng atawa tetangga jang ada kaperloean sama njonja Gwan.
„Mina...... Mina...... kenapa pintoe selaloe toetoep?" menanja sinshe A Lioeng.
„Takoet neng Ang Hwa masoek angin, sinshe!" menjaoet Mina.
„Boetoet...... boetoet...... Ang Hwa ata?"
Ang Hwa laloe dibawa kaloear.
„Aha...... aha...... soeta besaat...... soekoet....... soekoet...... ping an!"
„Boekan Ping An, tapi Ang Hwa. Kapan sinshe sendiri jang kasi nama begitoe."
„Ja, Ping An itoe maksoednja s e l a m e t....
