54
TJILIK-ROMAN'S
VIII. Kaloe terlaloe pertjaja tachajoel.
BAN PWEE mendongkol boekan alang-kepalang, bahoea maksoednja jang kedji telah dirintangin oleh sinshe A Lioeng. Sekarang ia tida brani mengoendjoengin Mina lagi, kaloe tida made giginja nanti ditjopotin lagi oleh koenthauwnja sinshe A Lioeng jang nomor wahid.
Tapi Ban Pwee tida kakoerangan akal badjingannja.
Ia laloe menoelis soerat ka Soerabaia pada sobatnja boeat serepin kabaran tentang familie Han.
Tida łama ia dapet balesan, bahoea Baron Han soedah meninggal doenia.
„Ah, akoe moesti pergi ka Soerabaia. Barangkali akoe bisa tarik keoentoengan dari kematian ini. Tapi oeang dari mana?"
Ia poeter otaknja dan achirnja ia mengoendjoengin saorang boengah raja di Kebon Klapa, dari siapa ia bisa pindjem seblah gelang emas jang lantes digadeken. la gosok-gosok tangannja kerna girang bisa menipoe boengah raja itoe. Orang jang kelakoeannja baek merasa sanget rendah menipoe orang prempoean, tapi Ban Pwee djoestroe ketawaken korbannja dan anggep dirinja sanget pinter. Dengen dapet oeang setjara tida halal itoe, ia bisa brangkat ka Soerabaia.
Satelah sampe di tempat kelahirannja kombali, ia tida lantes menoedjoe ka roemahnja Baron Han. Ia koempoelken segala katerangan dan maen soeap djongos serta baboe Baron Han boEat taoe apa jang telah kedjadian, sadjek ia meninggalken kota Soerabaia.
Doea minggoe ia tinggal di hotel dengen tida taoe ia moesti berboeat apa.
Achirnja ia berkenalan sama satoe sinshe kwamia
