66
TJILIK-ROMAN’S
„Sinshe tempo hari bisa bilang perkara Ang Hwa,“ berkata njonja Han.
Ban Lok betsenjoem dan sekali imi ia bisa pegang lagi Ban Pwee boeat diboeka resianja.
Tapi Ban Pwee ternjata bisa egosin serangannja njonja Han dengen berkata: „Nama jang belon dibriken pada anak, tida bisa tertjatet dalem mi tangan!“
„Betoel pinter ini sinshe. Djadi jang soedah lahir bisa ada di goeratan ini, boekan? Tjoba tebak siapa owe?“
Ban Pwee poera-poera meliat dengen terliti tangan itoe, sedeng pikirannja menginget-inget doeloe njonja Han pernah seboet nama soedaranja.
Lantaran terlaloe bingoeng, djadi ia loepa nama itoe.
Achirnja ia berkata: „Goeratan di tangan ini koerang teges. Owe tida bisa batja, sianseng!“
„Tida bisa djadi! Sinshe poera-poera bodo, sedeng sabetoelnja djempol........“ memoedji njonja Han.
Didesek setjara demikian, Ban Pwee terpaksa berkata sakena-kenanja sadja: „Engko poenja nama K...... Kwie...... Djin......!“
„Kwie Djin?“ menegesken njonja Han.
„Ja...... ja...... begitoe!“
Ban Lok ampir tida tahan menahan ketawanja.
Ban Pwee jang liat glagat koerang baek, boeroe-boeroe berkata: „Boekan Kwie Djin, tapi... Kwie...Sin!“
Sekarang Ban Lok ketawa besar, kamoedian berkata: „Nou, sinshe boleh bilang owe Kwi Djin atawa Kwi Sin, tida perdoeli. Sekarang owe maoe tanja sinshe oemoer brapa?“
Ban Pwee menjaoet: „Lima poeloeh lima koeranglima boelan!“
Ban Lok mesem: „Ah, bener sinshe awet moeda.
