SI NONA MERAH......
69
poenja soedara. Goea bisa serahken loe pada politie!"
Boeroe-boeroe Ban Pwee berloetoet kaja orang sembahjang Toehan Allah dan menjodja bebrapa kali seraja moeloetnja berkata: „Ampoen...... ampoen... owe tida brani lagi!"
„Baeklah, goea sekali ini kasi ampoen. Kaloe loe brani dateng lagi di sini, goea lantes panggil politie, soepaja loe bisa pikirin loe poenja kedjahatan di blakang krangkeng. Sekarang loe lekas pergi....!"
Dengen tida disoeroeh doea kali lagi, Ban Pwee mengelojor sembari oesap-oesap pipinja jang dikasi tanda lima djari oleh Ban Lok.
IX. Kombali loear doegahan.
SATOE minggoe kamoedian sadjek terdjadi hal di atas, Ban Lok bersama njonja Han dan Elly soedah sampe di Bandoeng.
Marika lantes serepin kabaran dan betoel djoega katemoein roemahnja sinshe A Lioeng.... tapi roemah itoe soedah didiamin orang laen.
Orang tida bisa kasi katerangan djelas kamana perginja sinshe A Lioeng itoe.
Kaloearga Han laloe mentjari sinshe ini di bebrapa tempat di Djawa Barat sampe di Batavia dan achirnja poelang ka Soerabaia dengen tangan kosong.
Sabenernja sinshe A Lioeng dan njonja Gwan pergi kemana?
Boeat mengatahoei ini, kita haroes moendoer pada bebrapa boelan jang laloe, waktoe Ban Pwee sedeng mengeret oeangnja njonja Han.
Soedah dibilang jang Ban Pwee bisa setengah tahon lebih djalanken tipoenja terhadep njonja hartawan itoe dan dalem sepandjang tempo itoe bisa kedjadian hal-hal diloear doegahan.
