SI NONA MERAH......
71
han djatoh dalem empang trate di Kebon Toean Besar (Lands Plantentuin).
Penjakit ini jang tadinja kaliatan „remeh-remeh" alias tida sebrapa, makin lama, makin berat.
Seringkali sinshe A Lioeng memikirin nasibnja Ang Hwa. Bener ia pande meramalken peroentoengan orang, tapi dengen berlinang-linang aer mata ia dapet mengetahoei, bahoea Ang Hwa aken alamken banjak penderitaan di waktoe masih gadisnja.
Satelah merasa deket adjalnja, ia minta Pek Siong dateng boeat menitipken Ang Hwa.
Njonja Pek Siong poen seneng sama Ang Hwa jang loetjoe dan pinter.
Ia sendiri ada mempoenjai anak lelaki jang dibri nama Piet dan oemoernja terpaoet doea tahon sama Ang Hwa.
Dengen aer moeka terang sinshe A Lioeng achirnja poelang ka tempat baka, kerna ia pertjaja Ang Hwa tida aken terlantar.
Toean Tanah Pek Siong oeroes pengoeboerannja sinshe A Lioeng dengen pantes, sahingga orang jang tida taoe, mengira sinshe A Lioeng ada orang hartawan.
Ang Hwa sekarang dapet temen memaen jang tjotjok dan kadoea anak itoe roekoen sekali, malah barangkali lebih akoer daripada soedara satoenggal iboe.
Mina poen sekarang bisa idoep tentrem mongmong doea anak itoe.
X. Tjoemi-tjoemi.
SELAMA Ang Hwa kata orang Djawa „ngenger" di roemahnja Pek Siong, Mina simpen hati-hati resianja ini anak. Dalem pandangannja kaloearga Pek Siong, Ang Hwa itoe ada anaknja sinshe A Lioeng.
