Memakai Adat
ALAH MALAM candonyo hari, sudah minum jomakan, bakato Haji Amin, mamak kanduang si Sabarudin, “Manolah waang Buyuang, ka marilah duduak,duduak baselo di muko mamak, dangakan bananan denai katokan, simakkan bana elok-elok, sabarih usah anglupokan, kini Buyuang ka mamakai adat, adat sumando ka rumah urang, usah Buyuang barek muluik,ramah tamah nan ka dipakai.
Kalau ado nan basuo, aluran bapak dipabapak,aluran mamak dipamamak, patuik mandeh dipamandeh, patuik kakak dipakakak, hormat kapado urang tuo. Kalau urang tuo bakato, dangan rundiangan elok-elok, sabalun habih kato urang, usah Buyuang bakato pulo, kalau batanyo baru dijawab, usah mamotong kato urang, bak itu adat urang barundiang.
Kok pandai barundiang, bak santan jo tangguli,kalau tak pandai barundiang,sarupo alu jo pancukia duri, kalau batutua danga mandangakan, usah pandorong jo palompek, tatumbuak biduak dikelokkan, tatumbuak kato dipikiri.
Banyak rang bujang nan didanga, tinggi ruok pado boto, ka Aceh babaliak hari, ka Jawa barulang makan, kato sapatah harus dipikiri. Bukan murah mamakai adat, urang sumando ampek macamnyo, ado banamo kaampeknyo, partamo sumando bauru-
8
