Titian Barakuak
Kaba baraliah hanyo lai, iyo kapado lareh panjang kuku, mukasuik hati handak kumisi, diracak kudo balang putiah, kudo manduo lari kancang, masuak kampuang kalua kampuang.
Kan iyo Tuanku Lareh, sadang maracak di ateh kudo, baduo dangan Angku Kapalo, tampak gadih dari jauah, sadang manjamua padi di laman, mato mamandang indak lapeh, tasirok darah di dado.
Maliek cando gadih nantun, bakato Tuanku Lareh kapado Angku Kapalo, “Manolah Datuak Angku Kapalo, anak siapo garan itu, siapo garan ibu bapaknyo?”
Manjawab Angku Kapalo, “Lorong kapado anak nantun, kamanakan Datuak Tungga, anak dek mandeh Rubiah, inyo banamo si upiak Rabiatun.
Bakato pulo Angku Lareh,
“Pisang timbatu di laman Makanan urang samuonyo; Jo aka budi dijalankan Sampai ka bapak mandehnyo.”
Sanan manjawab Angku Kapalo,
34
