SOEMBER DARI KAKOSONGAN.
sari dari ini kahidoepan jang samar dan gaib,jang djadi poko dan atsal-oetsoel atas segala apa jang ada di ini doenia.
Maski begitoe samar, gaib dan tida bisa didjadjakin atawa dioekoer wates dan loeasnja, tapi Tao ada mengandoeng sifat dan woedjoet dari
benda benda, dan mempoenjai djoega sari dan tenaga kahidoepan jang tinggal kekel dan tetep selamanja serta tida bisa berobah.
Kapan orang soedah kenalin dan bisa ikoetin pada itoe tjara dari Tao, ia bisa sampe pada kabedjikan jang paling tinggi. Bagimanatah bisa
djadi begitoe? Kerna orang jang hidoep menoeroet Tao, ia tida nanti madjoeken dirinja ka depan boeat oendjoek kapandean, kagoemilangan atawa bikin pahala; ia boekan kedjer kakajaän, kakwasaän, kapoedjian, pengaroeh dan laen-laen jang berdasar atas kadoeniaän, kanja malah
sabaliknja ia melepasken segala apa, membikin ketjil dan tjioet dirinja, moendoer dan mendjaoeken segala oeroesan doenia, hingga achirnja ia kombali ka dalem itoe kakosongan jang djadi Tao poenja süfat aseli. (Ajat 1—5).
Barang jang kakoe atawa keras, maski bertenaga besar dan kaliatan angker, kakwasaännja ada berwates; sabaliknja benda jang lêmês, lembèk dan kaliatannja selaloe menoeroet dan mengalah, seperti aer dan angin oepamanja, ada menggenggem tenaga jang besarnja tida berwates dan bisa melipoeti segala tempat. Dan sabagi djoega Tao jang memelok dan memelihara segala benda sadari baroe moelai tertjipta, begitoe poen saorang jang hidoep menoeroet itoe tjara, nanti dapet kakwasaän besar jang tida berwates, hingga maskipoen tida tondjolin dirinja ka depan, ia ada poenja pengaroeh aken
93
