TENTANG PRI KABEDJIKAN.
jang salah soepaja menjotjoki pada perboeatannja sendiri, lantaran mana membikin manoesia djadi bingoeng, dan kasoedahannja itoe „atoeran dari kapantesan" mendjadi soember dari kakaloetan dan permoesoehan jang membikin linjap manoesia poenja katentreman. Dan lebih tjilaka lagi kaloe boeat mendjalanken itoe Lee orang maoe goenaken atoeran paksa dan kakerasan, baek dengen goenaken tjomelan dan hina'an pada jang tida kenal Lee, atawa poen dengen tjara perkosa, seperti pertjoba'an aken „bikin sop an" pada bangsa-bangsa primitief, jaitoe jang belon kenal atoeran-atoeran. Banjak pertjidra'an, permoesoehan dan penoempahan darah — seperti dalem peperangan agama — telah terdjadi lantaran fihak jang satoe anggep fihak jang laen tida menoeroet atoeran dan titah-titah dari Nabi atawa kitab-kitab soetji. Ini semoea pokonja tida laen, hanja lantaran orang maoe berkoekoeh aken minta orang banjak endahin dan pegang keras pada atoeran dari kapantesan. Maka Lee jang bener, menoeroet Lao Tze, boekan jang disiarken aken minta orang taro endah dan perhatian, hanja nanti moentjoel sendiri dari dalem hatinja manoesia dan didjalanken atas maoe atawa soekanja sendiri, menoeroet masing-masing poenja kamampoean dan pengartian. Moesna dan roeboehnja berbagi-bagi kasopanan manoesia pokonja ada dari lantaran orang maoe empos itoe kasopanan dengen paksa, boekan menoeroet kamadjoean jang sawadjarnja. (Ajat 7-8).
Salandjoetnja Lao Tze lantes oendjoek, kapan orang moelai riboet bitjaraken kaperloeannja berlakoe dermawan, itoelah tandanja pri kabedjikan jang toelen soedah linjap, sebab kaloe manoesia masih kenal dan mengarti apa jang
161
