KAFAEDAHANNjA KAKOSONGAN.
tida bisa djadi pekakas jang berharga boeat menjimpen aer dan laen-laen. Begitoe poen itoe pintoe dan djendela, ada apatah goenanja djikaloe tida disertaken lobang boeat orang kaloear-masoek atawa kasih liwat hawa oedara dan tjahaja terang? Kapentingannja saboeah roemah boekan dari kabagoesan jang tertampak diloear, hanja orang maoe tempatin lantaran loeasnja kakosongan di dalemnja. (Ajat 1-4).
Djikaloe orang soedah taoe jang pada sadjoemblah barang kaperloean sahari-hari itoe kakosongan ada penting sekalih boeat bikin djadi disoeka dan bergoena, orang poen nanti bisa mengarti djoega bagimana besar faedahnja itoe kakosongan bagi penghidoepan manoesia. Kapan satoe tempajan berisi padet dengen kakotoran, batoe, pasir dan tanah ; bagimanatah bisa ditempatken aer djernih di dalemnja ? Orang jang poenja itoe tempajan moesti kedoek dan boeang ka loear itoe segala barang jang boekan moesti ada disitoe pada sablonnja bisa di-isi oleh aer jang djernih.
Manoesia poenja otak d,an pikiran ada terdjedjel penoeh dengen segala matjem kakotoran, antara mana ada banjak jang lebih boesoek dan mendjidjiken dari pada bangke dan nadjis jang paling mesoem. Di dalem diri manoesia ada padet dengen kaserakahan, kainginan kotor dan berdosa, kasombongan, ka'angkoean, kadengkian, kabentjian, kadjengkelan, kagoesaran, kabingoengan, kamoeroengan dan banjak laen-laen lagi jang menarik perhatiannja satiap hari. Inilah membikin itoe Tao jang soetji dan bersih tida bisa mendapet tempat dalem dirinja. Maka barang siapa ingin mentjari atawa persatoeken dirinja dengen Tao, lebih doeloe ia
55
