— 27 —
moesoh itoe atawa teman. Barangkali patroeli. Kasian si Sarina itoe; salahnja sendiri ini; kenapa djoega dija tida minta antar tempo dija pigi kaloewar kraton? Dija toh tahoe moesoh itoe tida pedoeli anak atawa perampoewan?
Baroe si Sarina ini djalan madjoe sedikit, sebentar di kepoeng orang; kira kira ada doewa belas orang. Soedah si Sarina ini maoe di boenoh, lantas ada satoe orang Atjee jang larang boenoh perampoewan ini. Dija bitjara sedikit sama teman temannja, tetapi si Sarina tida mengerti apa apa. Lantas orang Atjee ini pandang si Sarina, dan tjara melajoe dija tanja: koewe sijapa, koewe maoe pigi kemana?
Si Sarina kaget betoel; djadi tida bisa menjahoet. Orang Atjee itoe lantas kata: koewe roepamoe bagoes sekali, kaloe koewe toeroet, koewe tida di bikin apa apa.
Katanja si Sarina: akoe tida maoe toeroet; djangan tahan sama akoe. Soewaranja si Sarina ini ampir tida kedengeran lagi dari telaloe takoetnja. Lantas di poekoel kepalanja sama tjèpèrnja klewang lantas dija djatoh kelenger.
Soewatoe patroeli jang tida lama liwat tempat ini, ketemoe di sitoe satoe selendang dan satoe keris. Soldadoe soldadoe djawa dari patroeli itoe katanja: boleh lihat, di sini tadi orang
