— 109 —
Souw Lin: — kaloe begitoe bae lah kita Piboe lebi doeloe! Maka disitoe Souw Lin dengen sigrah lantas deketin sahingga berdoea orang itoe lantas bertaroeng, kira ada 3 djoeroesan maka Toan Lim merasa tiada bisa tahan bertamba poela sala djagaännja sahingga terpleset, itoe pekakasnja Souw Lin kena hantem kepalanja Toan Lim, di itoe Toan Lim bertreijak: — Ajo: kenapa kau begitoe koerang adjar!
Souw Lin: — Ja soedara harep djangan goesar sadja sebab ada sedikit kasalahan.
Maka waktoe itoe Toan Lim latas moendoer di pinggir
Maka Souw Lim dengen sigra lantas pegi engadep pada Thia Kauw Kim sambil berkata: — Ja Pehoe saija tjoetjoe jang misti dapet itoe pangkat Goanswee!
Samantara dateng lah dari satoe anak moeda dengen bertreak: — itoe tjap Gwanswee wadjid saija jang misti dapet!
Satelah Souw Lin menengok liat kirahnja anak moeda itoe ada Goanswee Tjin Siok Po poenja anak jang bernama Tjin Hoaij Giok, maka disitoe Souw Lin lantas tertawa berkata: — Ja kerna angkau poenja Gisiauw toembak belon begitoe pande begimana bole trima itoe pangkat Gwanswee?
Tjin Hoaij Giok: — Ja tiada, perdoeli tjoba sekarnag kita Piboe, sahingga berdoea orang
