— 12 —
wates negri, bole atoer baris soldadoe sedia djaga moesoe poenja
dateng dan kasi berboenji mariam satoe kali, komedian soldadoe dapet prenta lantas boenjiken mariam, Thia Kauw Kim prenta pada soldadoenja aken dengar-dengar djikaloe Gwanswe poenja bala tentara sampe, lekas kasi taoe dan soldadoe-soldadoe berkata: baik, tapi saja dapet kabar radja dengen bala tentaranja soeda liwatin kota Gan Boen Koan; Thia Kauw Kim djaoe-djaoe soeda sedia boeat papak. Tiada antara lama radja dengen Gwanswe soeda sampe di kota Pek Liang Koan, laloe Thia Kauw Kim berkata: ja saja soeda menoenggoe 3 hari, sekarang bole sama-sama tjampoer soldadoe boeat berprang, saja minta biar bole dapet kemenangan; lantas sadja atoer barisan, sasoedanja sedia ja mengadep
di hadepan baginda radja Lie Sie Bin. Disitoe radja berkata kapada Tjin Gwanswe dengen basain Tjin Ong Heng: he Tjin Ong Heng soldadoe berdjalan begitoe djaoe, masi tjape, aga baik besok pagi sadja kasi madjoe itoe soldadoe?
Tjin Siok Po sahoetin : ja mane poekoel ini negri boekan djalanan 1 boelan of 1 hari, misti tjari hari dan waktoe jang baik?
Radja berkata: ja Tjin Oug Heng poenja perkataan itoe ada betoel sekali, sekarang bole bikin koeat kita poenja benteng.
Katjeritaän daiem kota Pek Liang Koan ada
