— 129 —
seperti setan, giginja ada 4 bidji jang tonggos dengan berbadjoe idjo, ini orang masi moeda dan di tangannja pegang pana.
Satelah Thia Kauw Kim meliat lantas dia inget O! ini kepala begal dia poenja roman seperti di ,,Tjap Pe Lo Hoan Ong Sian Hiong Sin" poenja roepa ija brangkali ini dia poenja anak.
Maka disitoe Goanswee Lo Ting lantas sigra madjoeken koedanja kahadepan dengen berkata: he kepala begal kenapa angkau begitoe brani boeat pegat djalanannja ini soldadoe Baginda radja ?
Mendjawab kepala begal itoe: memang akoe maoe minta oewang boeat blih ramsoem, djikaloe angkau tiada kasi ija soeda kenapa akoe poenja soedara angkau lantas tangkep, aken sekerang lekas kasi dia poelang kombali, djikaloe tiada nistjaija angkau nanti akoe binasaken djiwamoe.
Arkian Goanswee Lo Tong dengen tertawa berkata : he kepala begal, angkau troesa boeka moeloet terlaloe besar, apa angkau tiada kenal sama akoe ini jang bernama Lo Tong jang gisiauw toembaknja soeda tersohor.
Mendjawab, kepala begal: O! djikaloe begitoe brangkali angkau ada toeroenan dari merk ,,Taij Tong Tiauw” Lo Seng poenja anak?
Lo Tong: ja djikaloe angkau taoe ee tida maoe lekas bertaloek ?
Lo Tong.
9
