— 141 —
djikaloe ini kota tida bisa petjah begimana jang kita orang bole sampe di kota Bok Jang Siah boeat menoeloeng kapada baginda radja sekarang lebi baik kami sendiri hendak kloear boeat melawan. Maka waktoe itoe Goanswee Lo Tong lantas toekar pakeannja, bertoenggang koeda dan bawa sendjatanja, sekalian mengadjak anak soldadoe kloear dari dalem benteng laloe madjoe ka-tempat medan peprangan.
Komedian (teks tidak terbaca) ek Loeij Gin Ge meliat lagi ada dateng lagi satoe panglima moeda maka Tieh Loeij Gin Ge lantas menanja: he jang dateng angkau nama apa?
Lo Tong: akoe ini ada Wat Kok Kong Lo Tjianswee poenja anak bernama Lo Tong !
Satelah Tieh Loeij Gin Ge denger lantas mendjadi kaget sahingga timboel pikiran dalem hatinja: O! ini brangkali ada tjoetjoenja dari Lo Ge anaknja dari Lo Seng, memang kesohor dia poenja Gisiauw toembak, kerna doeloe akoe soeda taoe lawan satoe kali pada bapanja, maka disitoe Tieh Loeij Gin Ge lantas berkata: O, brangkali angkau ada anak dari Lo Seng, memang angkau di negrimoe telah kesohor kegagahanmoe, tetapi soeda sampe disini brangkali angkau tiada bisa tahan pada akoe poenja kapandean.
Demikian Lo Tong denger begitoe lantas mendjadi mara, sahingga angkat toembaknja troes
