— 148 —
lah, nanti kami kasi taoe resiah itoe sekarang djikaloe angkau maoe taoe jang koetika angkau poenja bapa dan enkong poenja mati ada di dalem sangsarah betoel kaloe di inget mendjadi kesian sekali, maka wakloe itoe Thia Kauw Kim lantas panggil Thia Tiat Gioe disoeroe boeka petinja ambil satoe boengkoesan, *** Thia Tiat Gioe trima prenta dengen sigra laloe ambil maka tiada lama soeda kombali bawa itoe boengkoesan, maka barang Thia Kauw Kim trima itoe boengkoesan laloe mendjadi sedi troes melele kloear aer matanja sambil berkata : - he tjoetjoe sekarang angkau bole liat, boeka lah ini boengkoesan.
Maka satela di boeka kliatan di dalem boengkoesan itoe ada satoe iket anak pana.
Maka disitoe Lo Tong lantas menanja : - he Thia Pehoe ini anak pana boeat apa?
Thia Kauw Kim : - angkau poenja bapa lantaran ini anak pana maka bole mendjadi matinja, oleh kerna koetika dia kena di pana kami jang tjaboet dari badannja djoembla ada 167 anak pana sekalian angkau poenja Enkong djoega matinja kena anak pana.
Lo Tong itoe jang bikin binasa saija poenja orang toea siapa namanja sekarang dia ada dimana?
Thia Kauw Kim : orang itoe ada dikota Bok Jang Shia ikoet pada baginda radja bernama Souw Teng Hong.
