— 164 —
dia poenja pekakas „Toeja" namanja, sekalian bawa bala tentara madjoe di moeka kota Ja Ma Tjoan, aken minta berprang.
Maka di kota Ja Ma Tjoan ada toekang membawa kabar liat begitoe dengen sigrah laloe masoek kadalem aken melapor kapada Tieh Loeij Pat Po, serta Tieh Loeij Pat Po mendenger lantas berpake pakean prangnja bertoenggang koeda dan bawa dia poenja pekakas Tok Kah Tang Lang dan prentaken soeroe pasang mariam serta boeka pintoe kota madjoelah Tieh Loeij Pat Po ka medan peprangan.
Demikian Tjin Hoaij Giok meliat dari kota Ja Ma Tjoan kloear satoe penglima prang jang amat angker, maka disitoe Tjin Hoeaij Giok lantas merasa kaget, maka di dalem hatinja berpikir: heran sekali ini satoe panglima prang dia poenja pekakas ada laen sekali, jang bion perna kita meliat, kenapa dia bawa satoe pekakas boneka tembaga, setaoe begimana di pakeanja, kita blon mengarti dia poenja Gisiauw. Maka sa-abisnja berpikir lantas Tjin Hoaij Giok mádjoeken koedanja kadepan dengen berkata: He! jang dateng angkau siapa?
Tieh Loeij Pat Po.akoe ini ada Lioe Kok, San Tjoan, Taij Lek Tjoe, Taij Goanswee jang kasi pangkat „Soeij Ke Taij Tjiang Koen" bernama Tieh Loeij Pat Po.
