— 168 —
perti kita poenja Enko sekarang, kita misti pegi boenoe itoe andjing Souw Pak!
Lo An: ― Ja Kongtjoe, boeat apa pegi oleh kerna Kongtjoe poenja enko soeda kalah berprang masa Kongtjoe bisah menangken dia.
Sjahadan waktoe itoe Lo Djin tiada maoe perdoeliken perkataännja Lo An, maka dengen sigrah lantas ambil dia poenja 2 gembolan besi troes menjoesoel sambil bertreak: ― he enko, sekarang ade Lo Djin ada disini boeat toeloengin enko.
Demikian Lo Tong serta mendenger itoe swara sampe djadi kaget laloe berkata: ― he soedara, harep djangan deket, oleh kerna Enko sendiri soeda kalah prang apa lagi angkau orang jang masi ketjil, lekas bole moendoer sadja.
Maka Lo Djin tiada maoe djoega denger perkataännja Lo Tong, lantas dia pegi pegat Tieh Loeij Pat Po poenja djalanan, maka Lo Tong meliat lantas dia brentihken koedanja troes samperin itoe ampat orang boedaknja dengen berkata : ― he itoe Lo Djin Kongtjoe tiada sebrapa kepandeannja, kenapa angkau kasi dia pegi madjoe berprang?
Komedian di tjeritaken Lo Djin madjoe sampe di hadepan Tieh Loeij Pat Po disitoe Lo Djin lantas berkata: ― andjing Souw Pak! angkau djangan menjoesoel akoe poenja enko, sekarang akoe dateng hendak ambil angkau poenja kepala, angkau taoe!?
