— 172 —
dengen bandera merk „Taij Tong Tiauw”, maka bala tentara brenti satoe hari disitoe.
Komedian pada besok harinja Goanswee Lo Tong lantas prenta bala tentara sekalian panglima aken madjoe, apabila bala tentara berdjalan sampe ka-lima harinja soeda sampe lah di satoe tempat tandjakan „Oeij Liong Niah” namanja, maka disitoe Goanswee Lo Tong lantas prenta soeroe boenjiken 3 kali swaranja mariam troes berdiriken benteng.
Komedian di djeritaken di tandjakan Oeij Liong Niah sekalian soldadoe jang djaga disitoe soeda mendapet kabar jang bala tentara merk „Taij Tong Tiauw" soeda dateng bala bantoean, maka orang pendjaga itoe dengen sigra melapoer kapada To Louw Kiongtjoe katanja: ― ja Kiogtjoe, bala bantoean dari merk „Tong Tiauw” sekarang soeda sampe.
To Louw Kiongtjoe: — O! itoe tiada mengapa dia dateng djoega nistjaja dia maoe tjari matinja sadja.
Maka soldadoe pendjaga itoe denger dengen sigra lantas masoek kadalem kasi taoe kapada Goanswee jang di loear ada satoe moesoe prampoean datang boeat minta berprang, satelah Lo Djin mendenger kabar itoe lantas ija mengadep pada Goanswee Lo Tong sambil berkata: ― Ja Enko itoe soendel prampoean minta berprang
