— 181 —
Demikian Lo Tong mendenger begitoe lantas berkata: —bae, maka di sitoe To Louw Kiongtjoe lantas petjoet koedanja troes lari, maka Lo Tong djoega petjoet koedanja troes soesoel dari blakang sambil berkata:-hei angkau saorang prampoean hendak lari di mana sekarang akoe tiada maoe brenti menjoesoel oleh kerna akoe hendak membales ade akoe poenja wansioe.
To Louw Kiongtjoe dengen spoed troes lari poelang masoek ka dalem benteng dan berkata pada sekalian panglimanja: — hei itoe Siauw Tjiang koen Lo Tong betoel ada saorang jang gaga akoe tiada bisa menangken dia sekalian akoe poenja djimat Hoeij To kena dia bikin petja, sekarang kami rasa ini kota soesa di djaga lebih bae sekarang kita lari pegi di kota Bok Jang Shia djikaloe dia poenja tentara dateng nanti kita bole koeroeng lagi padanja.
Mendjawab sekalian panglima: — djikaloe begitoe baelah, maka di waktoe itoe djoega lantas berame kloewarken dia poenja ramsoem sekalian boeka pintoe kota troes lari pegi dikota Bok Jang Siah.
Komedian di jeritaken Goanswee Lo Tong sesoedanja menjoesoel To Louw Kiongtjoe maka dia lantas balik poelang kadalem bentengnja dan berdoedoek di mana kantoornja maka disitoe ada Thia Kauw Kim laloe dateng menanja: — hei tjoetjoe
