— 182 —
kapan angkau hendak membales angkau poenja soedara poenja wansioe, kenapa angkan sampe kasi itoe prampoean lari masoek di dalem benteng ?
Lo Tong: — Ja Thia Pehoe dari Hoe Ong di Bok Jang Shia saija tanggoeng tentoe bisa lekas dapet toeloengan.
Thia Kauw Kim: begimana ini benteng di tandjakan Oeij Liong Niah blon petja dan angkau soeda bisa tentoeken perkara jang dikota Bok Jang Shia?
Lo Tong: — oleh kerna To Louw Kiongtjoe soeda taro berdjandji pada saija dari sebab saija poenja akal kliwat bagoes, maka To Louw Kiong tjoe kena saija tipoe, itoe dianja jang nanti bakal menoeloeng. maka begimana Lo Tong berdoea. To Louw Kiongtjoe poenja perdjandjian satoe persatoe di kasi tjerita dengen trang.
Komedian Thia Kauw Kim mendenger perkataän jang demikian itoe lantas Thia Kauw Kim berkata: ja djikaloe itoe prampoean ada hati begitoe baik sekali, djikaloe nanti sampe di kota Bok Jang Shia dia bisa bantoe hantem dari dalem kloear itoe gandjaran ada besar sekali.
Sjahadan Thia Kauw Kim berkata lagi: — djikaloe sampe kadjadian begitoe atau soeda poekoel ini Pak Hoan mendjadi slese, kami jang maoe djadi tjomblang boeat angkau kawin pada itoe prampoean.
