— 192 —
berdoedoek di dalem kraton sekarang kami boekaken angkau kasi masoek di ini pintoe, selempang moesoe nanti masoek dan radja mendjadi kaget tentoe kami sekalian angkau menanggoeng dosa jang amat besar, tiada laen sekarang lebih baik angkau minta masoek dari pintoe jang sebla wetan.
Komedian Goanswee Lo Tong mendenger begitoe lantas ija petjoet koedanja aken madjoe ka pintoe jang sebla wetan, samantara disitoe keliatan semoea moesoe, maka Lo Tong djadi apa bole boeat troes poeter toembaknja aken hantem kalang kaboet soepaija sampe di pintoe kota jang sebla wetan.
Maka tatkala Lo Tong lagi hendak minta di boekain pintoe, maka kadengeranlah berboenji swaranja marijam, dateng lah doea panglima moesee berbadjoe mera, di tangannja pegang sendjata panah beserta satoe toembak Hong Tian Hoa Kek namanja, dia poenja kopia di atasnja pake 2 singa, satelah Lo Tong meliat lantas sentak berkata : — He angkau doea andjing lekas kasi taoe namamoe.
Mendjawab panglima moesoeh: — ia djikaloe angkau maoe taoe akoe ini ada di bawa prentanja Taij Tjiangkoen bernama Gouw Liong dan Gouw) Houw berdoea soedara, oleh kerna akoe dapet prenta dari akoe poenja Goanswee boeat mendjaga di ini pintoe jang sebla wetan.
