— 194 —
Dan Gouw Houw meliat Gouw Liong soeda mati maka dengen sigrah lantas lawan kapada Lo Tong, maka tiada loepoet kena Lo Tong hantem dia poenja kapala mendjadi petja troes mendjadi matinja.
Satelah Lo Tong meliat kadoea moesoeh itoe soeda meninggal doenia maka Lo Tong lantas bertreak ia minta di boekaken pintoe, keliatan di atas kota ada Souw Teng Hong, maka disitoe Lo Tong lantas berkata: — Ja Souw Lope lekas toeloeng boekaken pintoe kasi saija masoek?
Souw Teng Hong: — ini pintoe kota jang sebla wetan betoel menoedjoe pada Goanswee Tjouw Kie Loen poenja benteng, djikaloe sekarang kami boeka takoet Tjouw Kie Loen lantas dateng menerdjang, oleh kerna Tjouw Kie Loen itoe orang jang amat tersohor gagah selempang nanti dapet ijilaka.
Lo Teng: — djikaloe Pehoe tiada maoe boekahken pintoe begimana bole djadi boeat saija masoek?
Souw Teng Hong: — Ja tjoetjoe boekannja kami tiada maoe boeka-in pintoe, sebab baginda prenta djangan di boeka, misti hati-hati djaga kras, lebi baik sekarang angkau bole djalan masoek dari pintoe jang sebla kaler.
Demikian waktoe itoe Goanswee Lo Tong mendjadi apa bole bocat dengen merasa tjape troes petjoet koedanja madjoe ka-pintoe jang
