— 197 —
pintoe kota, tiada njana ini anak soendoel bisa boenoe moesoeh sampe mati 4 à 5 panglima, ach sekarang lebih bae kita soeroe dia berdjalan masoek dari pintoe jang sebla koelon bole disitoe dia orang kete moe pada Goanswee Tjouw Kie Loen oleh kerna Tjouw Kie Loen itoe ada saorang jang gagah, sekarang dia soeda tjape nistjaja lah djiwanja misti abis di tangan Tjouw Kie Loen, maka waktoe itoe Souw Teng Hong lantas panggil: he tjoetjoe oleh kerna boekannja kami tiada maoe boeka-in pintoe sebab Goanswee Tjin Siok Po soeda prenta djangan di boeka, kami paksa boeka-in nistjaia lah kami mendapet salah.
Komedian waktoe itoe Goanswee Lo Tong mendenger perkataän itoe laloe mendjadi mara besar dengen sentak berkata: — he akoe ini ada bawa bala bantoran kenapa soeda bebrapa pintoe akoe minta angkau tiada maoe boeka-in, memang akoe taoe angkau ada saorang jang djahat pake hati binatang soeka bikin tjilaka pada orang.
Souw Teng Hong: — Ja tjoetjoe boekan kami tiada maoe boeka pintoe, kerna menoeroet Goan swee poenja prentah.
Lo Tong: — sekarang akoe maoe tanja apa sebabnja maka djangan di boeka?
Souw Teng Hong: — Ja sekalian kami djoega tiada taoe resianja.
Lo Tong: — Ja sekarang bole boeka sadja
