— 198 —
djikaloe Goanswee marah akoe jang trima hoekoeman, oleh kerna ini akoe ada bawa bala bantoean boeat mengeloeng radja.
Souw Teng Hong: Ja maskipoen bala bantoean dateng aken tetapi di ini pintoe tiada bole di boeka, dan angkau bole djalan di pintoe jang sebla koelon disitoe nanti angkau dapet pintoe boeat masoek.
Lo Tong: ― Ja Pehoe apa tiada taoe sekarang akoe soeda hantem di 3 pintoe kota soeda mendjadi kliwat tjape, sekarang akoe soeda taoe trang jang njata angkau hendak kaniaija bikin tjilaka akoe poenja djiwa.
Souw Teng Hong: Ja ini semoea andjing Souw Pak boekannja tjoetjoe poenja lawanan beginiana tjoeljoe bole dapet binasa padanja.
Komedian Goanswee Lo Tong mendenger mendjadi kliwat marahnja, dan soeda apa bole boeat maka di dalem pikirannja: O, kita soeda hantem di 3 pendjoeroe pintoe kota, ini tjoema tinggal satoe pintoe masa bole djadi begimana, serta Lo Tong abis berpikir lantas ja petjoet koedanja dengen sigra pegi di pintoe kota jang sebla koelon maka itoe kliatan soeda moelai sore, dan kedengeran berboenji swaranja marijam maka kloear lah satoe panglima bersama 40 kawannja masing-masing membawa golok dan panglima moesoe itoe lantas sentak dengen samperken
