— 204 —
sampe di sini, aken tetapi sekarang soeda sampe di waktoenja blon djoega marika itoe dateng, ketahoean sekali jang petangan itoe ada sala, tjobalah liat djikaloe menoenggoe sampe lima hari dagi blon djoega dateng dan ramsoem tentoe abis mendjadi semoea disini misti binasa sama sekali.
Tjie Bouw Kong: — Ja baginda harep djangan slempang, kerna itoe bala bantoean sekarang soeda sampe di pintoe Bok Jang Shia.
Radja Lie Sie Bin: — kenapa sampe sekarang dia blon masoek boeat ketemoein pada kami?
Tjie Bouw Kong: — sekarang di loear ada satoe panglima moeda jang dateng sendirian sadja serta dia sampe tiada bisa dapet pintoe boeat masoek, maka sekarang ini kena moesoe poenja tentara aken koeroeng dia dari sebab itoe maka mendjadi lat. Serta blon abis Koensoe berkata maka kadengeran di loear kota berboenji tamboer prang dengen kras sekali, ketahoean orang lagi berprang.
Disitoe Baginda radja Lie Sie Bin denger mendjadi semingkin kwatier lantas menanja kapada Goanswee Tjin Siok Po: — he siapa ini hari jang djalan meronda boeat djaga di pintoe kota, kerna Koensoe bilang soldadoe pertoeloengan sekarang soeda sampe, apa sebab sampe sekarang blon bisa masoek?
Tjin Siok Po: — Ja baginda ini hari jang
