— 207 —
di atas kota lantas ija bertreak: ― he siapa orang jang bisa tangkep itoe Souw Teng Hong djangan sampe ia lari.
Apabila perkalahan itoe di denger oleh Souw Teng Hong maka Souw Teng Hong berpikir : sekarang lebi baik kita bawa kita poenja kawan boeat lari, maka waktoe itoe Souw Teng Hong dengen sigra lantas ia boeka pintoe kota troes kloear aken lari. Maka barang Oettie Kiong meliat jang Souw Teng Hong ia soeda boeka pintoe kota boeat lari lantas dia berkata: he bangsat! kenapa angkau begitoe brani boeka pintoe kota. begimana djikaloe moesoe kena masoek di sini tentoe baginda radja mendjadi kaget.
Tjerita Souw Teng Hong boeka pintoe kota troes ia lari kloear, maka barang sampe di betoelan satoe djembatan gantoeng disitoe lah dia ketemoe kepada Goanswee Lo Tong maka disitoe Lo Tong lantas bertreak panggil: He bangsat Souw Teng Hong! sekarang angkau maoe lari di mana? maka Souw Teng Hong barang denger soewaranja Lo Tong sehingga mendjadi kaget, maka waktos itoe Lo Tong lantas balikin koedanja dengen sigrah samperken, samantara ketemoe pada To Louw Kiongtjoe memang To Louw Kiongijoe telah denger Lo Tong poenja soewara jang hendak menangkep pada Souw Teng Hong, maka tatkala itoe dengen tjepet To Louw
