— 20 —
kapan maoe pegi prang misti hati-hati, nanti Entia dari blakang bantoe bawa soldadoe, dan Lauw Kok Tjeng djoega naek koeda dengen iringin soldadoe bersama-sama sampe di medan peprangan, dan Lauw Kok Tieng berkata : ja anak djangan goegoep dan boeroe napsoe, kaloe dengar swaranja tamboer dan gembreng jang bakal brenti lekas kau moendoer.
Maka Lauw Pa Lim sahoetin: ja Entia, harep djangan slempang. ltoe tempo kedengaran swaranja mariam dan pintoe kota terboeka, dia lantas madjoe ka Tong Tiauw poenja benteng dengan ka angkeran ja berkata: he kau orang! lekas kasi taoe pada Oetti Kiong, ada akoe Siauw Tjeng Koen {anak moeda} maoe bales jang akoe poenja bapa soeda kena di poekoel oleh gembolan, soeroe lekas dia kloewar mengadep di sini! Dan itoe orang jang djaga benteng lantas kasi taoe Gwanswenja dengen berkata: ja Gwanswe, di loewar benteng ada dateng moesoe anak moeda dia minta Gwanswe kloear, dia maoe bales jang bapanja soeda kena di poekoel, dia lagi bermaki-maki, harep Gwanswe bole preksa.
Barang Gwanswe Tjin Siok Po dengar lantas berkata pada sekalian: Tjiong Tjiangnja : jang baroesan Oetti Tjiangkoen soeda hantem kalang kaboet sekarang soeda ada lagi anak moeda dateng minta berprang. siapa sekarang bole pegi
