— 213 —
TJERITA RADJA SOUW PAK PO KONG ONG DAN MANTRI TO HONG DAN TO LOUW KIONGTJOE.
Selagi lari kalang kaboet kerna di dalem hatinja mendjadi kiiwat takoetnja, maka lari di atas koeda merasa tjape setenga mati. Demikian mantri To Hong meliat bala tentara merk „Tong Tiauw soeda pada moendoer, maka disitoe To Hong lantas berkata kapada radja Po Kong Ong: Ja Tjianswee ija, sekarang troesa takoet kerna moesoe soeda moendoer.
Radja Po Kong Ong: sekarang lebi baik kita brenti disini boeat bikin benteng.
Apabila benteng ketjil telah habis di bikin, maka radja Po Keng Ong lantas masoek di dalem benteng, maka disitoe radja Po Kong Ong lantas berkata kapada To Louw Kiongtjoe: — baenja sadja ada Ongdjie boeat toeroet dari blakang, adjikaloe tiada nistjaija kami poenja djiwa tentoe telah binasa.
Maka To Louw Kiongtjoe lantas berpikir di dalem hatinja: O, ini satoe radja gila, kerna kita sama merk „Tong Tiauw” jang soeda basmi dia poenja soldadoe kalang kaboet, sekarang dia moelai bitjara perkataan jang bae. Maka sehabisnja Kiongtjoe berpikir laloe mendjawab kata: ja Hoe Ong oleh kerna merk „Tong Tiauw” poenja
