— 216 —
Demikian berame panglima moeda madjoe kahadepan dengen berloatoet katanja:-—— hamba bernama Tjin Hoaij Giek, Thia Tiat Gioe dan Toan Lim, mengadep aken bertemoe baginda, oleh kerna hamba tiada taoe jang baginda tela terkoeroeng di kota Bok Jang Shia, dari sebab itoe maka hamba dateng ada lat sedikit harep minta baginda djangan kasi hoekoeman.
Radja Lie Sie Bin:— he ijoetioe, angkau masing-masing boleh bangoen, jang kami soeda kena di koeroeng di dalem ini kota Bok Jang Shia, tiada njana lagi bisa poelang kombali, dan angkau jang masing-masing soeda kloearken kagagahanmoe boeat membantoe menoeloeng pada kami sampe bisa mengoesir dan membinasaken moesoe sama sekali, ini boedi ada besar sekali, jang patoet angkau sekalian bole dapet gandjaran jang jang besar.
Komedian bertiga orang itoe mendenger lantas bilang banjak trima kasi troes madjoe kloear.
Sjahdan baginda radja Lie Sie Bin melerek matanja ka-pinggir dapet meliat pada Lo Tong jang lagi sedi menangis dengen bertjoetjoeran aer matanja, maka waktoe itoe baginda radja Lie Sie Bin lantas panggil:— he Ongdjie, dari sebab apa, jang angkau besitoe sedi aken menangis tiada brentinja, djikaloe ada apa angkau poenja soesa hati harep lekas boleh kasi tjerita ?
