— 217 —
Satelah Lo Tong mendenger dengen sigrah lantas madjoe ka-hadepan dengen berloetoet panggil:— ja Hoe Ong, sekarang hamba hendak kasi bertaoe, sedari hamba oemoer tiga tahon hamba poenja bapa soeda meninggal doenia, dan hamba blon taoe begimana matinja, dari sebab lantaran apa di waktoe itoe Thia Pehoe koetika dateng di kota Tiang An ambil bala bantoean dari sebab hamba inget boeat toeloeng pada Hoe Ong jang lagi sengsara, maka sabole-bole trima itoe pangkat Dji Louw goanswee troes bawa bala tentara disini, serta sampe di kota Pek Liang Koan hamba lantas menerdjang di itoe kota, disitoe hamba kena lawan satoe panglima jang djaga di itoe Kota kliwat gagahnja, sampe itoe kota soesa boeat di bikin petja, di sitoe hamba poenja hati mendjadi kesel boeat pikirken dari hal itoe sahingga hamba sampe mendjadi poeles, samantara dapet lah satoe impian, maka di dalem impian itoe keliatan hamba poenja bapa dateng di hadepan hamba serta hamba liat di badannja penoe dengen bekas lobang anak pana saantero badannja berloemoer dara, waktoe itoe hamba poenja bapa lantas maki-maki pada hamba dia berkata: „jang hamba mendjadi anak terlaloe Poet-hauw, sebab dia tjeritahken jang dia mati di keniaja oleh Souw Teng Hong, sampe sekarang itoe Souw Teng Hong masi di kasi pangkat besar oleh baginda
