— 221 —
lihaij, dan bisa tangkis moesoe poenja poekoelan hingga moesoe djadi djeri sampe pada boebr, disitoe lah hamba dapet satoe djalanan boeat
liwat, maka itoe djadi hamba bisa ambil bala bantoean aken dateng kombali, sekarang hamba harep baginda koerniahken hamba itoe pangkat
radja moeda Peng Kian Ong namanja.
Maka waktoe itoe kabetoelan ada Koensoe Tjie Bouw Kong jang mendengerken Thia Kauw Kim poenja tjerita, maka disitoe Tjie Bouw Kong lantas berkata:—he Thia Kauw Kim, kenapa di hadepan baginda angkau brani bitjara perkataän jang djoesta, nanti angkau bole djadi soesa dan kena hoekoeman!
Thia Kauw Kim: —he angkau si idoeng kerbo saban angkau hendak bikin soesa kapada akoe poenja diri, dan sekarang lebi baik kau toetoep moeloet soeda!
Setelah Koensoe Tjie Bouw Kong denger lantas mendjadi tertawa dan berkata lagi: —sekarang akoe maoe tanja pada angkau, jang angkau poenja perdjalanan kloear dari ini kota sampe di Tiang An begimana, dan di djalanan dapet kesoesahan apa, tjoba satoe persatoe bole kasi tjerita dengen trang, djikaloe angkau bitjara dengen troes trang, bole angkau dapet gandjaran jang besar, djikaloe angkau bitjara perkataän jang djoesta nanti dapet hoekoeman, aken sekarang angkau misti moelai tje-
