— 22 —
Oetti Kiong lantas naek koeda dan kasi berboenji meriam satoe kali troes kloear dari pintoe benteng, Thia Kauw Kim djoega toeroet dari blakang srenta sampe di mana pintoe benteng Thia Kauw Kim angkat kepalanja liat lantas dia menjeboet: wah! satoe anak ketjil moeka item bawa pekakas gembolan dengen toembak, di kepalanja masi pake koentjir, roepanja seperti Oetti Kiong, dan Thia Kauw Kim lantas boeka swara pangil Oetti Kiong dengen berkata: he, ini anak ketjil ada seperti kau poenja anak.
Oetti Kiong sahoetin: ja Lo Tjianswe djangan sembarang kata: itoe tempo tamboer dan gembreng soeda kras berboenji dia lantas petjoet koedanja boeroe kahadepan Lauw Po Lim troes toembak.
Lauw Po Lim djaga dengen berkata: he, kau apa ini jang nama Oetti Ban Tjoe?
Oetti Kiong menjaoet: betoel, dan kau anak ketjil soeda taoe akoe poenja nama, kenapa kau tiada lekas toeroen dari koeda aken serahken kau poenja djiwa?.
Setela Lauw Po Lim denear, laloe berkata : he andjing! kenapa brani poekoel akoe poenja bapa dengan gembolan, disitoe Lauw Po Lim troes toembak, niatannja soepaja itoe toembak dari depan bole troes sampe di blakangnja, baroe habis ja poenja penasaran.
Oetti Kiong dengar, laloe tertawain, berkata : he
