— 232 —
mantri To hong poenja anak soepaija di bawa sampe di kota Bok Jang Shia anterken di hadepan baginda radja Lie Sie Bin.
Maka barang Thia Kauw Kim denger djoega menoeroet soeka hati laloe berkata lagi: — djikaloe begitoe bae lah hamba djoega mengoetjap soekoer, aken tetapi hamba amat harep boeat minta dia poenja tahon waktoe lahirnja (She Djit Gwe) lebih doeloe.
Adapoen maka disitoe djoega radja Po Kong Ong lantas ambil kertas dan tinta penah, troes toelis To Lous Kiongtjoe poenja hari tahon tempo di branakin, serta soeda abis lantas di pasrahken di tangannja Thia Kauw Kim.
Demikian Thia Kauw Kim trima itoe soerat She Djit Gwe lantas bilang trima kasi sekalian kasi slamat tinggal troes adjak pengikoetnja berdjalan poelang kombali ka-kota Bok Jang Shia, apablia Thia Kauw Kim sampe lantas masoek ka-dalem kraton laloe mengadep pada baginda radja Lie Sie Bin serta panggil: ja Banbanswee jang hamba soeda di prentah boeat pegi pada radja Po Kong Ong aken berdami boeat minta To Louw Kiongtjoe hendak di kasi kawin kapada Lo Tong, maka dari itoe serta hamba sampe dengen sekali sadja hamba poenja perminta-an lantas radja Po Kong Ong dengen segala soeka hati menoeroet.
