— 237 —
djadi pengawannja radja serta makan gadji dari radja, di tempat medan peprangan djikaloe hendak mentjahari laki sendirian itoe tandanja koerang tjinta pada radjamoe, dan djikaloe orang mendjadi penggawa prang radja brani boeka pintoe benteng kasi moendoer soldadoe sendiri troes moesoe poenja soldadoe di kasi masoek ja itoe tandanja koerang setia pada radjanja.
Demikian To Louw Kiongtjoe mendenger begitoe lantas merasa sedi toeroen aer matanja dan di dalem hatinja berpikir merasa mara, djikaloe kita taoe ini Lo Tong achirnja djadi begini masa kita maoe toeloeng padanja, aka sesoedanja To Louw Kiongtjoe berpikir lantas berkata: — he Lo Tong, sekarang akoe handak menanja dengen pendek begimana sekarang apa angkau soeka trima boeat kawin atawa tiada?
Lo Tong: — O, di akoe poenja negri djoega banyak sekali prampoean jang bagoes roepanja djikaloe akoe sekarang ambil angkau di boeat bini nistjaja lah akoe poenja negri achirnja binasa.
Komedian To Louw Kiongtjoe mendenger perkata'an jang demikian itoe laloe berpikir kombali di dalem hatinja: — djikaloe kita denger dia orang poenja perkata'an sampoerna di rasa ada koerang bae jang boeat bikin kita poenja maloe, maka waktoe itoe To Louw Kiongtjoe lantas berkata lagi: — he Lo Tong sekarang akoe poenja djiwa
