— 248 —
Sjahdan di tjeritaken sehabisnja pestah besar soeda berlaloe dlapan hari lamanja, maka Lauw Kok Kong Thia Kauw Kim kabetoelan lagi doedoek bersenang di dalem gedongnja, samantara kaliatan dateng sa-orang soeroean dari Soe Taij Naij, orang itoe dengen ia berloetoet aken mengadep serta berkata: hamba bernama Soe Lin dengen prentanja toean hamba Soe Taij Naij aken mengoendang Tjianswee ija dateng di roema toean hamba boeat bikin plesiera berminoem arak.
Mendjawab Thia Kauw Kim: — ja bae lah sekarang angkau boleh djalan terlebih doeloe, nanti kami menjoesoel dari blakangan.
Apabila Soe Lin denger begitoe, sigrah djalan poelang kasi kabar, dan Thia Kauw Kim djoega lantas djalan menjoesoel blakangan.
Demikian Soe Taij Naij mendapet kabar jang Thia Kauw Kim soeda ada di djalan maka Soe Taij Naij djaoe-djaoe soeda kloead dari roemahnja aken menoenggoe di djalan boeat menjamboet, Thia Kauw Kim soeda dapet liat kapada Soe Taij Naij, maka dengen sigrah Thia Kauw Kim dateng mendeketin satoe sama lain membri hormat, disitoe Thia Kauw Kim berkata: he soedara boeat apa bikin begitoe soesa jang djaoe-djaoe soedara soeda mengoendang kami dateng disini makan dan minoem arak.
Soe Taij Naij mendjawab: ja boekan dari sebab
