— 249 —
itoe, oleh kerna saija soeda lama tiada ketemoe pada Enko, maka itoe di dalem hati saija merasa kangen maka bikin ini makanan dan arak boeat iseng-iseng bikin sedikit kaplesiran tandanja soeda lama baroelah ketemoe. Maka sehabisnja berkata: Soe Taij Naij lantas toentoen tangannja Thia Kauw Kim di adjak masoek kadalem gedongnja, serta sampe di pertengahan gedong memang soeda di sediaken segala roepa makanan jang sedep-sedep rasanja dan boeah boeahan jang mahal harganja serta arak obaj jang nomor 1. maka kadoea orang itoe ia lantas doedoek makan dan minoem dengen segala soeka hati. maka selagi makan minoem Soe Taij Naij itoe berkata: he soedara, saija telah denger kabar jang Baginda Lie Sie Bin ada terkoeroeng oleh moesoe di kota Bok Jang Shia, baenja ada soedara jang soeda begini toea dan masi koeat aken poelang kakota Tiang An boeat minta bala bantoean, bertamba poela di djalan bisa ketemoe kapada Tjia Eng Teng, maki soedara sampe di kota Tiang An dengen kasalamatan.
Tha Kauw Kim: — djikaloe tiada brani masoek di dalem lobang matjan, di mana lah bisa beroleh anak matjan.
Sedeng Thia Kauw Kim dan Soe Taij Naij, berdoedoek omong-omong sembari minoem dan makan sekoenjoeng-koenjoeng kedengeran ada
