— 255 —
tetapin hari kawinnja, serta soeda selese di oeroesken, lantas Thia Kauw Kim balik lagi kagedongnja Lo Seng kasi kabar begitoe-begitoe serta serahken itoe oekoeran tjintjin.
Ini tjerita di bikin lekas, sasoedanja di hari waktoenja bakal kawin, maka di gendong Lo Tong di riasin amat indahnja serta ada beberapa taboean dan permaenan kerna Lo Tong poenja hari kawin dan sobat-sobatnja Lo Tong sekalian familie toea moeda ketjil besar pada dateng mengoendjoengi dengen amat ramehnja tetamoe pada dateng dan pesta. Maka itoe hari Lo Tong lantas toekar pakean kemanten serta naek kreta pegi karoemahnja Soe Taij Naij aken ambil penganten prampoean, serta itoe hari djoega anak prampoeannja Soe Taij Naij soeda, di riasin tjara penganten laloe Lo Tong bawa poelang kagdongnja, serta sampe laloe toeroen dari kreta maka Lo Tong adjak masoek kagedongnja serta djalan peradatan pasang hio pada Toehan Allah ta-allah, sasoedahnja laloe pasang hio lagi di aboehnja Lo Gee dan Lo Seng, baroe blakangan sodja dan bersoedjoed pada Mertoea prampoean dan jang perna toea semoea doea penganten itoe memberi hormat serta dengen rame swara tetaboean.
Sasoedahnja doea penganten itoe djalan pradatan laloe masoek kadalem kamar jang soeda
