— 256 —
diriasin amat indahnja, tiba-tiba Lo Tong masoek di kamarnja liat dia poenja istri kliatan tjakap moekanja poeti dengen bertjahaija serta djalannja elok soewatoe apa tiada ada tjatjatnja; kerna itoe anaknja Soe Taij Naij, kaloe pembatja kapengen taoe, sebab rohnja To Louw Kiongtjoe jang toekar roh, kerna To Louw Kiongtjoe pada Lo Tong memang soeda di taqdir djodohnja berdoea itoe misti berlaki istri, maski To Louw Kiongtjoe soeda meninggal dan rohnja masi penasaran tiada dapet kawin pada Lo Tong, maka anaknja Soe Talj Naij tiba-tiba Lo Tong bawa masoek kakamarnja soeda djadi beroba roepa dan tingka lakoe djoega, sabetoelnja itoe ada To Louw Kiongtjoe. poenja roh dan badan, tetapi asal anaknja dari Soe Taij Naij djoega.
Sasoedahnja Lo Tong berkawin liwat 13 hari, maka istrihnja Lo Tong kloear pintoe pegi di roemahnja familie-familie Soe dan Lo dan Tjin dan laen-laen aken memberi hormat, komedian jang mana liat istrihnja Lo Tong dari sebab semoea soeda taoe ada anak dari Soe Taij Naij maka marika itoe liat mendjadi terlaloe heran kerna amat bagoesnja, dari itoe lah semoea orang berpoedji bahoea she Lo ada amat beroentoeng hingga Soe Taij Naij djaega liat boekan maen poenja girang, sasoedahnja selese bertamoean maka poelang lah istrihnja Lo Tong kagedongnja, serta laki istri hidoep roekoen serta bisa merawatin roema tangga dan Lo Tong djoega mendjadi amat senangnja dapet istri tjakap dan pande.
