— 38 —
gitoe, sekarang begimana akal soepaja bole ketemoe pada anak poenja Ma'h ?
Po Lim saoetin: ja Entia, Ma'h ada bilangin satoe akal pada saja, sekarang Entia belaga kala troes masoek di dalem Benteng, disitoe bole berdami pada Entia poenja temen-temen (Tjiong Tjiang,) nanti saja bikin poetoes tali djembatan gantoeng, bersama-sama masoek ka dalem kotja Pek Liang Koan tangkep itoe bangsat Lauw Kok Tjenh, bole lantas ketemoe Ma'h dan gampang dapet kota Pek Liang Koan, itoe boekan ada baik ?
Barang Oetti Kiong dengar lantas berkata : ini akal betoel baik sekali, lekas anak naek koeda kloear dari ini goenoeng, dan sembari lari anak bole poera-poera berkata: djangan boeroe, djangan boeroe, troes lari sampe di depan kota,
Komedian sehabisnja Po Lim berdami dengan senang hati troes tertawa besar, dan Po Lim berkata sendirinja katain Laue Kok Tjenh: akoe kira begitoe lama tiada dapat tjilaka, ini hari baroe kau dapat sengsara
Tjerita Oetti Kiong sasoedanja boeroe Po Lim, lantas poelang ka bentengnja laloe mengadep pada Gwanswenja, seraja berkata: jang betoel kita poenja radja besar redjekinja, jang sekarang kota Pek Liang Koan moesti dapet!
Gwanswe Tjin Siok Po lantas menanja: ja
