— 40 —
Thia Kauw Kim dengan 5 orang panhlima prang naek koeda iringin barisan kloear dari kota dengen adjak Oetti Kiong kloear; itoe tempo berame boeka soeara pangil: he Siauw Hoan Dji! akoe maoe ambil kan poenja djiwa, berame petjoet koedanja madjoe kadepan Lauw Po Lim.
Po Lim samboet lawan berprang, disitoe bapa dengan anak poera-poera berprang ada 6 djoeroes Po Lim lantas belaga lari dan bertjeak kata: djangan boeroe, troes dia masoek dalem kota.
Oetti Kiong boeka soeara: he kau maoe lari kemana ? Dia langas panggil temannja soeroe lekas madjoe reboet kota, serenta berame dengar Oetti Kiong poenja soeara semoea dengan sigra memboeroe dan bendera berkibar-kibar toembak dengan golok kliattan berbaris-baris seperti Liong lagi maen dalem laoettan; serta bala tantara sampe di pinggir djembatan, Po Lim peremta soldadoenja bikin poetoes tali djembatan kasi djato di dalem kali, dan soldadoenja dengar sampe kaget ja berkata: kenapa Ta Ya bikin poetoes tali djembatan? Po Lim sentak: siapa jang brani banjak bitjara akoe amoek dengan akoe poenja toembak! Dan soldadoenja lantas berkata: Po Lim soeda kongkol pada moesoe.
Komedian tiada lama lagi merk „Tong Tiauw“ poenja bala tentara soeda sampe disitoe. Po Lim laloe berkata pada Oetti Kiong panggil:
