— 44 —
bapanja ja Entia Mah minta Entia masoek ka dalem boeat ketemoe. Itoe tempo Oetti Kionh soeka hati toeroet anaknja masoek di dalem; tiada kira sekali Bwe Si Hoedjin dia boeka soeara sendirinja panggil Tianghoe (laki kenapa sampe ini hari kau baroe dateng, bole ketemoe pada kau poenja bini, kau ada di Ting Kok djadi panglima orang akoe tingal disini djadi nama boesoek sampe tiada moeka boeat ketemoe sama kau, lebi baik akoe mati tjoetji bikin bresi akoe poenja nama, troes sadja dia bentoerin kapalanja di tembok, O! soenggoe kesian sekali dia poenja otak sampe kloear, troes mendjadi matinja.
Komedian Po Lim sampe kaget liat ada begitoe roepa, lantas ja menangis, dan Oetti Kiong liat sampe kaget, djoega toeroet menangis, dengan berkata: ja anak orang soeda mati tiada bole idoep kombali djangan lah boeat soesa hati, maitnja bole kaboer di ini kamar djoega, bapa dan anak sedi menangis, ja troes kloear kasi taoe pada orang-orangnja jang bininja soeda meninggal, siapa jang dengar mendjadi sedi.
Thia Kauw Kim berkata: ja soesa sekali, itoe tempo semoea Taij Tjiang naek koeda kloear dari kota ada 3 panglima prang bilangin Oetti Kiong ja berkata: ja Tjiangkoen poenja anak bole soeroe pegi mengadep di hadepan Gwanswe. Serenta
