— 4 —
dengar sampe ilang semangatnja dia berkata: ia toean Radja, hamba minta ampoen djangan di boenoe, betoel hamba poenja Radja soeroe bawa ini soerat, hamba jang di prenta tiada sala, sebab hamba tiada taoe apa boenjinja.
ltoe tempo kere kanan Boen Boe Pek Kwa tiada taoe apa sebabnja, disitoe ada Tji Bouw Kong berkata: ja Radja blon taoe ini Po Kong Ong soeratnja tertoelis apa boenjinja, maka Radja bole mara?
Radja Lie Sie Bin berkata: ja kau bole liat baroe bole taoe trang. Tjie Bouw Kong laloe ambil itoe soerat sasoedanja liat berkata: ja Radja djangan goesar hati, ini Po Kong Ong poenja soerat minta berprang, kaloe 2 negri maoe berbanta djangan boenoe jang bawa soerat, djikaloe di boenoe Radja Pak Hoan kira kita takoet melawan pada dia, harep Bansweja prenta itoe orang kasi kabar, dari blakang kita kirim soldadoe aken poekoel negrinja.
Barang Radja denger Tjie Bouw Kong kata begitoe, laloe bilang baik, troes prenta orangnja soeroe potong Tjioe Bang poenja koeping dengen idoengnja, djangan sampe mati.
ltoe tempo Tjioe Bang di petong 2 koepingnja dengen idoengnja adalah seperti 1 boea koendoer dan Tjioe Bang mendjerit, berkata: ja baiknja Radja tiada bikin mati! Serenta Radja dengar
