— 51 —
akoe dari blakang bawa soldadoe toeroet masoek, itoe ada kau poenja konglo (gandjaran).
Komedian Po Lim dapet idzin lantas petjoet koedanja madjoe ka moeka kota sentak satoe swara berkata: he jang djaga kota! lekas kasi taoe radja poenja soldadoe soeda sampe lekas bertaloek, djikaloe ada stenga pata sangkal akoe poekoel petja ini kota, dan itoe soldadoe jang djaga kota dengar begitoe djadi ketakoetan masing-masing kasi lapor kepada Tjongpeng (Kapitein) Ong Tian Sioe jang di loear moesoe soeda sampe, ada satoe anak moeda bawa toembak toenggang koeda minta berprang.
Serenta Ong Tian Sioe dengar lantas kaget ja berkata: itoe moesoe kapan dia sampe apa dia soeda sedia benteng ?
Soldadoenja berkata: blon sedia benteng, dia soeda minta berprang! Ong Tian Sioe tarik napas berkata: ajo! ada begini roepa, radja Lie Sie Bin dengan panglima prangnja bersama-sama dateng soeda ambil kota Pek Liang Koan dan Kim Leng Tjoan sekarang dia maoe poekoel ini kota Gin Leng Tjoan, dan Ong Tian Sioe berkata: soesa betoel! soesa betoel! lantas dia soeroe ambil koeda dengan pakean prangnja prenta orangnja pasang meriam dan boeka pintoe kota dia troes kloear.
Setela Oetti Po Lim dapet liat moesoe, roman-
