— 56 —
panglima prang dengar lantas masing-masing hendak toeroet dengan kedengaran soewaranja tamboer.
Oetti Po Lim sampe di depan benteng, moesoe poenja anak pana dateng seperti oedjan dan Oetti Po Lim mendjerit kata: djangan lepas pana, lekas pangil kau poenja Taijtjiang jang djaga kota boeat ketemoe, Serta itoe soldadoe dengar lantas masoek kedalem kota kasi taoe berkata: ja Loja di loear ada moesoe minta berprang.
Serenta Lie To Djin dengar lantas dia tetawa besar berkata: O! moesoe dateng disini dia anterin djiwanja dia kira dia soeda dapet 3 kota dia blon taoe kita Loja poenja djampe mandjoer, brani dateng mengadep disini bole kita kasi kenal kita poenja tangan, lantas dia prenta orangnja ambil koeda dan troes naek bawa 1 poklam, di badannja dia simpan 1 djimat. adjak orangnja pegi di loear, prenta boenjiken meriam boeka pintoe kota troes mengadep.
Komedian Oetti Po Lim angkat moekanja liat ada satoe 1 Todjin kepalanja seperti gantang matanja seperti Lotjeng moeloetnja mo njong dan idoengnja besar dengan tjambangan mera seperti kawat, badjoenja blace di tangannja pegang Pokiam mengadep di medan peprangan dia troes angkat Pokiamnja batjok kepada Oetti Po Lim, dan Oetti Po Lim djaga dengan toembakuja,
