— 65 —
maoe masoek dalem kota atawa tiada djikaloe dia maoe masoek tentoe semoea mati dan di dalem bentengnja apa tiada orang jang pinter, slempang takoet dia taoe jang kita poenja akal bikin kota kosong kaloe dia tiada maoe masoek begimana?
To Louw Kiontjoe menjaoet: ija Gwanswe djikaloe moesoe tiada mace masoek kita misti sedia barisan di sebla ilir pingir ini kota Gwan swe misti sedia baik-baik dengen hati-hati djangan takoet jang dia tiada masoek.
Gwanswe Tjouw Kie Loen sahoetin: ja betoel akal ini ada bagoes sekali.
Serta radja Po Kong Ong denger djoega mendjadi soeka hatinja lantas ja berkata: djikaloe begitoe djangan lama lagi lekas misti atoer nanti akoe sendiri kasi prenta pada orang-orang jang ada di dalem kota semoea misti pinda ka goenoeng Ho Na San, srenta kloear itoe prenta siapa jang tiada menoeroet sebrapa bole dengen sebentar sadja berame orang-orang pegi pinda di goenoeng Ho Na San, Gwanswe Tjouw Kie Loen djoega kasi prenta orangnja semboeni djaga dan denger kabar moesoe poenja dateng.
KETJERITA-AN LAGI RADJA LIE SIE BIN.
Poenja bala tantara sesoedanja dapet Oeij Liong Nia dia brenti 3 hari lamanja troes ja brangkat
Lie Tong
5
